兩個人走在一起，
就是要簡簡單單的走下去。。☺️
劉蝦米 welcome to the world
08 九月 2016 發表留言
in My Life
Hello 劉華BB ,
我係你既傻姑姐呀！ Welcome to the world !!
由今天起我同你既爸爸媽媽會努力用我的「📷眼睛」 同「最真摯的心」去努力編寫你的成長日誌，直到一天你可以用自己既力量去為自己繼續留下屬於你自己點點滴滴。。
希望你成為一個開心快樂健康既小寶!
姑姐錫爆你呀！！😘😘😘
谷底
04 九月 2016 發表留言
我諗呢幾個月係人生嘅另一個谷底，無論係我哋家庭，生活，經濟，前路我覺得好迷惘。。呢一刻我真係失去左方向。我真係唔知自己可以捱到幾時，究竟呢個情況可唔可以改變？
唔經唔覺就已經過咗九月，已經進入年嘅第四季，我以為佢生活會有一定嘅改變，但係感覺好似變得越來越有壓力。係唔係我已經失去左平衡點呢？
人哋話一段良好嘅關係除咗會幸福到老，遇到困難佢哋會互相扶持互相鼓勵互相包容互相愛護。
Pooh ：
如果有一日我跌低咗，你一定要將我扶起一定要為我為我給力讓我可以重新振作繼續行落去。無論如何都一定要為我遮風擋雨。無論如何都一定讓我可以在你懷中的睡一覺。
將來？ ？
02 九月 2016 發表留言
一段關係時間耐左，所以有嘢慢慢會變成習慣，會變得越來越懶惰，從前會做嘅事情，慢慢會被遺忘。
你以為對方會為你做得更多，也許會變得有點失望，佢唔係刻意做少咗，而係慢慢習慣左忘記了有一啲曾經為你瘋狂而做的事。
唔知道對方同你嘅諗法係咪一樣？唔知道對方會唔會為你諗得咁多？更加唔知道大家嘅將來會變成點樣。問題不斷喺度重複重複出現，究竟係因為關係耐左對方信心細咗？定係對方嘅關係越嚟越變得成熟穩定，而唔需要再去諗唔需要再去做一啲其實你想對方為你做嘅時。
一段看似穩定嘅關係，其實又係唔係我想像中咁穩定呢？定係其實我自己不停諗多咗？定係因為對方沒有表明態度立場，令自己嘅信心亦都下降了。有時都會諗係咪真係可以一直走下去？我都希望係自己諗多咗，又唔知道點樣令對明白自己。好多野係心裏面唔表達出來，其實唔代表唔介意我唔期望唔盼望唔奢望。
就嚟兩年啦，有時我都會心急知道你諗乜野，亦都好想你表明態度話我知你對我係點樣，由音庫喂我哋嘅將來去計劃一下呢？我真係唔知點樣開口去問你。我唔係對你冇信心，而係都好想知道你嘅想法，因為唔想令你有壓力，所以可以到唔會去表達自己嘅諗法。亦都不停安為自己平常心，但係心裏面都會不停去諗你又仲會唔會再給我驚喜……
定係我俾唔到信心你，無話俾你聽其實我已經將個心俾咗你…
簡簡單單就一年了。。
27 一月 2016 發表留言
Mr Pooh ,
有你係身邊！時間都好似過得快左。。
就係咁樣簡簡單單開開心心的就一年多了。。
多謝你讓我生命倍添幸福，
多謝你對我無微不至的愛錫呵護！
我愈來愈享受在你懷中的時刻！
~ SiLlY ~ JoYcE ~ 